ငါးကျမ်းပြန်ကျောင်းတိုက်၊ နာဂစ်သင့် မ်ိဘမဲ့ကလေးများ စောင့်ရှောက်ရေး ရန်ပုံငွေဖြင့် ကလေး ၅၀၀ ကျော်ကို ကူညီခဲ့
မိုးမခ အထောက်တော် ၀၀၂
ဖေဖော်ဝါရီ ၂၇၊ ၂၀၀၉
မေလ ၂ နှင့် ၃ ရက်၊ ၂၀၀၈ က တိုက်ခတ်ခဲ့သော နာဂစ်ဆိုင်ကလုံးကြောင့် မိဘ ၂ ပါး မဲ့ခဲ့ရသည့် ကလေးသူငယ်များကို စာရင်းပြုစုပြီး ကူညီထောက်ပံ့မှုပေးနေသော ငါးကျမ်းပြန်ကျောင်းတိုက် ဆရာတော်များဦးဆောင်သည့် ရန်ပုံငွေအဖွဲ့က ကလေး ဦးရေ ၅၆၀ ကို လစဉ်ထောက်ပံ့မှုများ ပြုလုပ်နိုင်ခဲ့သည်ဟု ဆိုသည်။
မန္တလေးမြို့ ဖောင်တောင်ဦး ဘုန်းတော်ကြီးကျောင်းတွင် ပြုစုစောင့်ရှောက်ထားသော နာဂစ်သင့် ခိုကိုးရာမဲ့ ကလေးသူငယ်များထဲမှ ၂ ဖက်မိဘမဲ့သူ ၂၀ ဦးရေ၎င်း၊ ဧရာဝတီတိုင်း နာဂစ်ဒေသက ဘုန်းကြီးကျောင်းများ၊ ဆွေမျိုးသားချင်းမိသားစုများက စောင့်ရှောက်ထားသည့် ကလေးသူငယ်များကို၎င်း ဆရာတော်နှင့် ဒကာ၊ ဒကာမများက ယခင်လတွင်လည်း သွားရောက် လှူဒါန်းခဲ့ကြသည် ဟု သိရသည်။
ပြည်တွင်း ပြည်ပရှိ မြန်မာမိသားစုများက ကလေးငယ်တဦးလျင် တလကို အမေရိကန် ဒေါ်လာ ၁၀ နှုန်းဖြင့် တနှစ်စာ ပညာရေး၊ လူမှုရေး ထောက်ပံ့မှုအဖြစ် လှူဒါန်းကြပြီး၊ ပြည်တွင်းရှိ စေတနာရှင်တို့က ထိုဒေသတို့သို့ သွားရောက် ပေးလှူစောင့်ရှောက်မှုများ ပြုလုပ်ကြကြောင်း၊ ယခုလာမည့် ၂၀၀၉ နှစ်အတွက်ကိုလည်း လက်ခံရရှိသည့် အင်အားအလျှောက် ဆက်လက် ဆောင်ရွက်သွားမည် ဖြစ်ကြောင်း၊ အလှူရှင်များကိုလည်း အကြောင်းကြားမည် ဖြစ်ကြောင်း ကြားသိရသည်။
အလှူရှင်များထံသို့ ပေးပို့ရန် ပြင်ဆင်နေသည့် နာဂစ်သင့် မိဘမဲ့ကလေးသူငယ်များ စောင့်ရှောက်ရေး ရန်ပုံငွေအဖွဲ့၏ လက်ဆောင်ပိ်ု့စကဒ်ငယ်ကို ဖော်ပြလိုက်ပါသည်။ http://childaidmyanmar.org
0 comments:
Post a Comment